ក្រុមហ៊ុន Nokia ដែលជាក្រុមហ៊ុនទូរស័ព្ទឈានមុខគេទាំងទូរស័ព្ទធម្មតា និងទូរស័ព្ទ Smartphone បានចេញទូរស័ព្ទមួយម៉ូដែលទៀតស្ថិតក្នុងត្រកូល Lumia ដ៏អស្ចារ្យមួយ និងគួរឱ្យភ្ញាក់ផ្អើល។ កាលពីថ្មីៗនេះ នៅឯទីក្រុងញូវយ៉ក Nokia បានបញ្ចេញនូវសមិទ្ធិផលទូរស័ព្ទម៉ូដែល Lumia 1020 ដែលជាទូរស័ព្ទមួយដ៏មានឥទ្ធិពល និងអស្ចារ្យបំផុតខាងការថតរូប ដោយវាបានបំពាក់កាមេរ៉ាដល់ទៅទំហំ 41 មេហ្គាភិចសែល។ ពិតជាអស្ចារ្យខ្លាំងណាស់សម្រាប់ទូរស័ព្ទដែលមានកាមេរ៉ាទំហំធំបែបនេះ ហើយអ្នកដែលចូលចិត្តថតរូបប្រាកដជាឈ្លក់វង្វេងនឹងគុណភាពដ៏មហាសាលរបស់ Lumia 1020 នេះជាក់ជាមិនខាន។ ជាងនេះទៀត Lumia 1020 នៅមានមុខងារសំខាន់ជាច្រើនទៀតដែលប្រិយមិត្តអតិថិជនរង់ចាំ ហើយវាត្រូវបានដំណើរការដោយប្រព័ន្ធប្រតិបត្តិការ Windows Phone 8, មានមេម៉ូរីក្នុងម៉ាស៊ីន 32GB, មាន RAM ទំហំ 2GB, ប្រើ CPU ប្រភេទ Qualcomm Snapdragon S4 Dual-core ល្បឿន 1.5GHz ។ល។
0 comments:
Post a Comment