KasperskyLab ជាដំណោះស្រាយ បញ្ហាមេរោគលើប្រព័ន្ធកុំព្យូទ័រ

កាលពីព្រឹកថ្ងៃទី២៨ខែមិនាឆ្នាំ២០១៣នៅឯសណ្ឋាគាណាហ្គាវើល ក្រុមហ៊ុនKHTECH ដែលជាក្រុមហ៊ុនចែកចាយខាងផលិតផលព័ត៌មានវិទ្យាបានរៀបចំសិក្ខាសាលាក្រោមប្រធានបទ ”Kaspersky End Point Security For business” ក្រោមការចូលរួមពីលោកJimmy Yab អ្នកប្រឹក្សាយោបល់សុវត្ថិភាពប្រព័ន្ធ IT ជាតំណាងរបស់ក្រុមហ៊ុនKasperskyLab។

ក្រុមហ៊ុនKHTECH ដែលជាក្រុមហ៊ុននាំមុខគេនៅកម្ពុជាតាមរយៈការផ្តល់សេវាកម្មផ្គត់ផ្គង់អង់ទីវីរ៉ុស ក្នុងប្រព័ន្ធកុំព្យូទ័រម៉ាកKaspersky និងម៉ាស៊ីនព្រីនទ័រម៉ាក់ Tally Dascom បានពាំនាំនូវបច្ចេកទេសថ្មីសម្រាប់កម្ចាត់មេរោគលើប្រព័ន្ធកុំព្យូទ័រដ៏មានប្រសិទ្ធភាព។

លោក លាង សុផេង អគ្គនាយកក្រុមហ៊ុន KHTECH បានអោយដឹងថាបច្ចុប្បន្នបច្ចេកវិទ្យាព័ត៌មានវិទ្យាមានការរីកចម្រើនលើគ្រប់វិស័យជាពិសេសវិស័យធនាគារ អាគារពាណិជ្ជកម្មធំៗ គ្រឹះស្ថានសិក្សា ទូរគមនាគមន៍ ស្ថាប័នរដ្ឋ និងឯកជនផ្សេងៗ។
តម្រូវការការពារឯកសារឬទិន្នន័យជាចំណុចសំខាន់បំផុតសម្រាប់ស្ថាប័នទាំងនោះ។

លោក លាង សុផេងបានបន្ថែមថា មេរោគលើប្រព័ន្ធកុំព្យូទ័រ និង Hackers អាចជ្រៀតចូលកុំព្យូទ័រនិងកន្លែងផ្ទុកទិន្នន័យ(Storage)របស់យើងតាមរបៀបមួយចំនួនដូចជា Mailware virus, Target 75% វាយប្រហារទិន្នន័យតាមរយៈUnpatch របស់Windows, unpatch របស់ pdf, ឬ Applications ផ្សេងៗ ការបាត់បង់ទិន្នន័យតាមរយៈការបាត់Laptop/computers, និងការលួចចូលរបស់Hacker តាមរយៈ mobile Devices ដែលបុគ្គលិកប្រើសម្រាប់ទាញយកទិន្នន័យពីក្រុមហ៊ុនតាម (remote access) ដែល អ្នកជំនាញផ្នែកព័ត៌មានវិទ្យា ភាគច្រើនមើលរំលង។

បញ្ហាខាងលើត្រូវបានដោះស្រាយដោយ Kasperksy End Point Security For Business.
មិនត្រឹមតែកម្ចាត់វិរ៉ុសដ៍មានប្រសិទ្ធភាពនោះទេវាមានធាតុជាច្រើនដូចជា Encryption Data ដោយអនុញ្ញាតតែម៉ាស៊ីនកុំព្យូទ័រនៅក្នុងប្រព័ន្ធNetworkរបស់អង្គភាព ខ្លួនតែប៉ុណ្នោះ ឬក៏អនុញ្ញាតអោយបើកទិន្នន័យនៅម៉ាស៊ីនកុំព្យូទ័រក្រៅ អង្គភាពដោយមានការផ្ដល់សិទ្ធិពីអ្នកគ្រប់គ្រងរបស់បុគ្គលិកបានត្រឹមត្រូវជាមុន។ Mobile management and Application control: អាចគ្រប់គ្រងApplication ក្នុងmobile devices របស់បុគ្គលិកដោយបែងចែកមួយណាជាapplication ផ្ទាល់ខ្លួននិងមួយណាសម្រាប់ប្រើនិងគ្រប់គ្រងដោយអង្គភាព។
Kaspersky End Point Security For Business ចែកចេញជាបួនថ្នាក់ដូចជា
1- Core: សម្រាប់ WorkStation.
2- Select: សម្រាប់ Workstation & File Server Security, Application Control with Dynamic Whitelisting, Device Control, and Web Control. វាផ្ដល់ដំណោះស្រាយសុវត្ថិភាពរបស់mobile Devicesដែលមាន endpoint security agent និង Mobile Device Management (or MDM).
3- Advanced: រួមបញ្ចូលទាំងSelect, បន្ថែមជាមួយ Encryption and Systems Management tools. បើសិនអ្នកមានតម្រូវការ remote deployment(setup application remotely),Patch Management និងVulnerability Scanning, កម្រិត Advanced គឺជាដំណោះស្រាយដ៏សក្ដិសមសម្រាប់អ្នក។
4- Kaspersky Total Security for Business: បូករួមទាំងកម្រិត Advance និងបន្ថែម infrastructure-level ការពារWeb, Mail, និង Collaboration servers. និង Internet gateway។
លោក Jimmy Yab តំណាងKaspesky Lab បានមានប្រសាសន៍ថា Kaspersky EndPoint Security for business (EndPoint version 10) មានសមត្ថភាពខ្ពស់ចំពោះតម្រូវការបច្ចុប្បន្ន ដើម្បី ការពារប្រព័ន្ធកុំព្យូទ័រដូចខាងក្រាម

លោក Eugene Kaspersky ជាប្រធានភាគទុននិក ជាអគ្គនាយកប្រតិបត្តិ និង ជាស្ថាបនិក ក្រុមហ៊ុន KasperskyLab បានមានប្រសាសន៍ថា អ្នកសម្រេចចិត្តគ្រប់គ្នាត្រូវចងចាំនៅពេលដែលស្ថាបនាហេដ្ឋារចនាសម្ព័ន្ធសុវត្ថិភាព IT របស់ក្រុមហ៊ុន ថា៖« ការវាយប្រហារដោយtargeted attacksទៅដល់កម្រិត ខ្ពស់ ដោយមានឧបករណ៍ចារកម្មដ៏ឆ្លាតវ័យ ពាសពេញពិភពអ៊ីនធឺណិត។ Cyber-espionage កំពុងក្លាយជាអ្នកវាយប្រហារយ៉ាងខ្លាំងក្លាបំផុតទៅលើប្រព័ន្ធកុំព្យូទ័ររបស់ជំនួញទាំងឡាយ ហើយថែមទាំងសហគ្រាសដែលប្រើកុំព្យូទ័រក្នុងការបំពេញការងារ។ អង្គភាពទាំងឡាយមានទិន្នន័យផ្ទាល់ខ្លួនដែលមានសារៈសំខាន់ចំពោះ Cibercriminals ដើម្បីជាឈ្នាន់ក្នុងការទម្លុះចូលទៅកាន់ទិន្នន័យរបស់អង្គភាពមួយផ្សេងទៀត។ ការឈ្លានពានអាចបណ្ដាលមកពីCyber-criminal ដែលរុករកដោយខ្លួនវាផងនិងក៏វាបញ្ជ្រាបនៅក្នុងកុំព្យូទ័រស្រាប់ដើម្បីស្វែងរក និងលួចយកព័ត៌មានជាកម្មសិទ្ធិ ឬព័ត៌មានផ្សេងៗ » ។