តាមការយល់ឃើញរបស់លោក Stephan Baker ដែលជានាយកប្រតិបត្តិផ្នែកទីផ្សាររបស់ NPD Group បាននិយាយថា” រយៈពេលពីរឬបីឆ្នាំមកនេះការលក់និងចែកចាយម៉ាស៊ីនកុំព្យូទ័រ ប្រភេទ Notebook បានកើនឡើងរហូតដល់៨០ភាគរយហើយការលក់ចែកចាយកុំព្យូទ័រលើតុបាន ត្រឹមតែ ២០ភាគរយ ប៉ុណ្ណោះ”។ ដូចនេះវាជាបញ្ហាចោទឡើង ដែលថាកុំព្យូទ័រលើតុលែងមានភាពពេញនិយមប្រើដូចកាលពីមុនទៀត ទេ។នេះក៏សរឱ្យឃើញថាម៉ាស៊ីនកុំព្យូទ័រប្រភេទ Notebook នេះគឺបានវាយលុកទីផ្សាររបស់កុំព្យូទ័រលើតុយ៉ាងខ្លាំងនៅចុងពាក់ កណ្ដាលទសវត្សរ៍ទី១០០ នេះ។ យោងតាមទិន្នន័យនៃការលក់កុំព្យូទ័រលើតុឱ្យអតិថិជនរបស់ សហរដ្ឋអាមេរិកគឺមាន ២០.៣ ភាគរយនៃការលក់កុំព្យូទ័រក្នុងចំណោមប្រភេទកុំព្យូទ័រទាំងអស់នេះគឺ ជាអត្រាមួយដែលស្រដៀងនិងការលក់ប្រហែលពីរឬបីឆ្នាំមុន។
អ្នកវិភាគអ្នកជំនាញរួមទាំងអ្នកប្រតិបត្តិផ្នែកបច្ចេកវិទ្យាបាន ធ្វើការសន្មតទុកថាកុំព្យូទ័រលើតុនឹងមិនបាត់ខ្លួនពីសៀវភៅ ប្រវត្តិសាស្ត្រឡើយគឺប្រសិនបើធ្វើការវិភាគទៅនៅថ្ងៃអនាគត កុំព្យូទ័រលើតុអាចនឹងជារបស់សម្រាប់លេងហ្គេមដ៏អស្ចារ្យហើយអាច ឆ្នៃដាក់ចូលទៅក្នុងជញ្ជាំងបានយ៉ាងស្រួលហើយនឹងអាចក្លាយជា កុំព្យូទ័រដែលគ្មាន Hard drives ដូចពពួក Tablets និង Laptops ដែរ។
១)កុំព្យូទ័រយូរដៃប្រភេទLaptops
វាពុំមានអ្វីដែលថាកុំព្យូទ័រលើតុផ្អាកលែងមានអ្នកប្រើប្រាស់ ដូចថ្ងៃឈប់សម្រាកដែលឈប់ហើយដំណើរការវិញនោះទេគឺមានន័យថា ប្រភេទកុំព្យូទ័រលើតុនេះត្រូវបានគេបោះបង់ ឬគេលែងពេញនិយមចាប់តាំងពីដើមឆ្នាំ២០០៩ មកម្ល៉េះ ហើយវាក៏ពុំអាចពេញនិយមឡើងវិញដែរពីព្រោះថាបច្ចេកវិទ្យាចុងក្រោយ នេះគឺគេអាចប្រើវាជំនួសបានច្រើនយ៉ាងទៅលើការប្រើប្រាស់ កុំព្យូទ័រលើតុឬហៅថាកុំព្យូទ័រ Desktop។ តាមរបាយការណ៍មួយរបស់ Newswire បានបញ្ជាក់ថា គ្មានម៉ូដែលឬប្រភេទ Hardware របស់កុំព្យូទ័រលើតុណាមួយដែលលក់ដាច់ខ្លាំងជាងគេនៅក្នុងបញ្ជី របស់ Amazon ឡើយកាលពីរដូវកាលបុណ្យណូអែលឆ្នាំ២០០៨។ គឺមានតែ Laptop ៧ប្រភេទតែប៉ុណ្ណោះដែលមានការពេញនិយមនិងលក់ដាច់ខ្លាំងជាងគេ។ Routers បាននិយាយថា “គ្មានចំណុចណាមួយដែលប្រភេទកុំព្យូទ័រលើតុមានភាពពេញនិយមនោះទេ ហើយវាជាសម័យកាលមួយដែលត្រូវធ្វើការផ្លាស់ប្ដូរប្រភេទកុំព្យូទ័រ លើតុចេញដែលនាំមកនូវសម័យកាលLaptopដ៏ថ្មីមួយ”។
២)ឥទ្ធិពលបច្ចេកវិទ្យាTablets
ចាប់តាំងពីលោក Steve Jobs បានដាក់បង្ហាញ iPad នៅឆ្នាំ២០១០មកពួកអ្នកជំនាញខាងបច្ចេកវិទ្យាក៏បានបង្កើតនិងតាំង បង្ហាញ Tablet មួយដែលមានរូបរាងដូចជាក្ដារឆ្នួនហើយអាច touch screen បាននិងមានលក្ខណៈដូចទៅនឹងកុំព្យូទ័រដែរហើយបច្ចេកវិទ្យាមួយនេះ បានទាក់ទាញអ្នកប្រើប្រាស់យ៉ាងខ្លាំងទូទាំងពិភពលោក។ គេក៏បានបញ្ជាទៀតថាបច្ចេកវិទ្យា iPad គឺជាប្រភេទ Tablet មួយដែលធ្វើឱ្យកុំព្យូទ័រលើតុមានគ្រោះថ្នាក់ខ្លាំងបំផុតពីមួយ ឆ្នាំងទៅមួយឆ្នាំ។គឺដោយសារកត្តាជាច្រើនដូចជា៖ការកាន់នៃថ្ម របស់ iPadងាយយកទៅតាមខ្លួន ស្រាលតួច មិនមានភាពស្មុគស្មាញនិងដោយសារការពេញនិយមរបស់អ្នកប្រើប្រាស់ដែល ថាវាងាយស្រួល ប្រើនិងធ្វើការនៅលើ Tablet ដូចជាឆែក E-mail លេង Facebook និង មើលវីដេអូតាមអ៊ីនធឺណិតដោយមិនទាមទារឱ្យមានការភ្ជាប់ឧបករណ៍ជំនួយ ជាដើម។
៣)ឧបករណ៍បច្ចេកវិទ្យា Smartphones
តើអ្នកដែលឮថាទូរស័ព្ទប្រភេទ SmartPhones ជាអ្នកបញ្ចប់នៃសម័យកាលរបស់កុំព្យូទ័រលើតុដែរឬទេ? លោក Nigel Clifford ជាអ្នកប្រតិបត្តិផ្នែកបច្ចេកវិទ្យារបស់ CNET បាននិយាយថា ប្រភេទកុំព្យូទ័រលើតុត្រូវបានបង្រួមមកឱ្យក្លាយជា SmartPhones ក្នុងកំឡុងតែប្រាំឆ្នាំប៉ុណ្ណោះ។ វាជាការត្រឹមត្រូវណាស់ដែលគាត់បានធ្វើការទស្សន៍ទាយទុកតាំងពី ប្រាំឆ្នាំមុនគឺតាំងពីពេលដែលគាត់ធ្វើជា CEO របស់ក្រុមហ៊ុនកម្មវិធី Symbian មកម្ល៉េះ។ អ្វីទៅជា Symbian ? Symbian គឺជាប្រព័ន្ធដំណើរការរបស់ទូរស័ព្ទដែលទទួលស្គាល់ដោយក្រុមហ៊ុន Nokia ក្នុងឆ្នាំ២០០៨ហើយរហូតដល់ឆ្នាំ ២០១២នេះ ប្រព័ន្ធប្រតិបត្តិការ Symbian OS ត្រូវបានបញ្ចប់ដំណើរការដោយសារការនិយមប្រើនៃទូរស័ព្ទដែល ប្រតិបត្តិការដោយ Windows Phone 7។ ចុះចំណែកកុំព្យូទ័រលើតុវិញនៅតែប្រើប្រាស់ប្រព័ន្ធប្រតិបត្តិការដដែលឬយ៉ាងណា?។
៤)វត្តមានឧបករណ៍Video Gamesក៏ជាផ្នែកមួយនៃគូរប្រជែង Desktop
អ្នកក៏បានដឹងដែលថា Video Games ជាព្រួញទីពីរដែលធ្វើឱ្យកុំព្យូទ័រលើតុលែងសូវមានអ្នកនិយម ប្រើប្រាស់ដើម្បីលេងហ្គេមអស់មួយចំនួនធំ។ នេះគឺជាការស្រាយបង្ហាញរបស់លោក Olin Coles ដែលជាអ្នកប្រតិបត្តិផ្នែកនិពន្ធរបស់ Benchumark Revews ហើយគាត់ក៏បានសរសេរថា “Video Games បានវាយលុកទីផ្សារកុំព្យូទ័រលើតុ”ក៏ពិតមែនប៉ុន្តែគាត់ក៏បាន បង្ហាញពីការបង្កើតកុំព្យូទ័រលើតុមកដើម្បីសម្រាប់ការលេង ហ្គេមការកំណត់ពេលការងារឬសម្រាប់ការកម្សាន្តផ្សេងៗផងដែរ។គាត់ បានបន្ថែមទៀតថាមានមនុស្សជាច្រើនបានជ្រើសរើសប្រើ Notebook និង ឧបករណ៍ទូរស័ព្ទដើម្បីជំនួសឱ្យការប្រើកុំព្យូទ័រលើតុពីព្រោះវា បានផ្ដល់លក្ខណៈងាយស្រួលក្នុងការលេងហ្គេមនិងកិច្ចការផ្សេងរបស់ ពួកគេ។ ប៉ុន្តែជាទូទៅអ្នកបង្កើតហ្គេមភាគច្រើនចូលចិត្តរចនាហ្គេមថ្មីៗ ក្នុងគោលបំណងសម្រាប់ដាក់ឱ្យដំណើរការក្នុងកុំព្យូទ័រលើតុដោយគេ គិតថាកុំព្យូទ័រលើតុឬហៅថាកុំព្យូទ័រ Deskotមានលក្ខណៈល្អសម្រាប់ហ្គេមគ្រប់ប្រភេទ។ ហេតុនេះហើយទើបលោក Coles មិនទាន់ប្រកាសថាយុគសម័យនៃការប្រើប្រាស់កុំព្យូទ័រលើតុមិនទាន់ ត្រូវបានបញ្ចប់នៅឡើយទេ។ ប៉ុន្តែគាត់គ្រាន់តែនិយាយថា”សម័យកាលនៃការប្រើកុំព្យូទ័រលើតុ ជិតត្រូវបានបញ្ចប់ហើយ”។
៥)បច្ចេកវិទ្យាInternet, Web, Cloudបង្កើនល្បឿនទៅមុខឥតឈប់
កាលពីឆ្នាំ ១៩៩៦ លោក Steve Jobs និយាយដោយខ្លីថា “ឧស្សាហកម្មផលិតកុំព្យូទ័រលើតុនឹងត្រូវបិទទ្វារ”។ហើយ គាត់ក៏បានបន្ថែមទៀតថា Web និង Hardwareនៅថ្ងៃអនាគតនឹងអាចរចនាឡើងថ្មីស្រឡាងហើយវាមានអានុភាព ខ្លាំងជាងការប្រើប្រាស់ Web ជាមួយនិងកុំព្យូទ័រលើតុថែមទៀតផង។ លោក Jobs ក៏បានជជែកអំពីបញ្ហានេះជាមួយ ក្រុមហ៊ុន Microsoft ដែលជាក្រុមហ៊ុនគ្របដណ្ដប់លើកុំព្យូទ័រលើតុពីបញ្ហាបំឡាស់ប្ដូរ នៃព្រឹត្តិការណ៍ដែលនឹងកើតមានឡើងជាបន្ទាប់នោះផងដែរ។យ៉ាងណាមិញ លោក Jobs ក៏បាននិយាយគាំទ្រចំពោះឧទាហរណ៍ជាក់ស្ដែងថាមនុស្សនៅចុងទសវត្សរ៍ ទី ៩០ នឹងបានឃើញ Web និង កម្មវិធី Web មានលក្ខណៈស្រដៀងទៅនិងកុំព្យូទ័រផងដែរ ។
៦)ការប្រកួតប្រជែងបច្ចេកវិទ្យារវាង Sun Microsystems & Microsoft
តាំងពីទសវត្សរ៍ទី ៩០ នៃការប្រើប្រាស់កុំព្យូទ័រប្រភេទ Sun Microsystems ដែលក្រោយមកវាត្រូវបានទម្លាយខ្លួនមកជា JavaStation ឬហៅថាកុំព្យូទ័រភ្ជាប់បណ្ដាញ(Network Computer) ដែលរចនាឡើងសម្រាប់អ្នកប្រើប្រាស់នៅលើ Online។ ប្រភេទឧបករណ៍នេះគ្មាន Hard disks, រន្ធដោត(Slot) ឬ CD-ROM នោះទេ។ មានក្រុមហ៊ុនជាច្រើនរួមបញ្ចូលទាំង Oracle ផងបានចាប់ផ្ដើមផលិតកុំព្យូទ័រ Network នេះឡើងហើយបញ្ឈប់ការផលិតកុំព្យូទ័រលើតុ។ មានចំណុចមួយដែលក្រុមហ៊ុន Microsoft ព្យាយាមធ្វើ គឺត្រូវធ្វើយ៉ាងណាឱ្យ Network computer អាចដំណើរការទៅវិញទៅមកបានជាមួយនឹងកុំព្យូទ័រលើតុក៏ប៉ុន្តែនៅ ទីបំផុត Network Computer ក៏មានអាទិភាពជាង កុំព្យូទ័រលើតុព្រោះដោយសារវាបានធ្លាក់ថ្លៃនាចុងទសវត្សរ៍ទី៩០ ហើយក្រុមហ៊ុន Microsoft ក៏សម្រេចចិត្តដាក់កម្មវិធី Beb Browserដើម្បីឱ្យអ្នកប្រើប្រាស់កុំព្យូទ័រលើតុទាំងអស់អាចចូលទៅ Onlineបាន។
៧)ការថយចុះនៃការលក់កុំព្យូទ័រលើតុក្នុងឆ្នាំ២០០៨-២០០៩
យោងទៅតាមសារព័ត៌មាន British tech បានឱ្យដឹងថាការលក់កុំព្យូទ័រលើតុបានថយចុះនៅក្នុងឆ្នាំ ២០០៨-២០០៩នេះ ដោយជំនួសដោយការលក់ដាច់នូវកុំព្យូទ័រប្រភេទ Notebook ទៅវិញ។ ការលក់ដាច់នៃប្រភេទកុំព្យូទ័រ Notebook នេះបានធ្វើឱ្យកុំព្យូទ័រលើតុចាប់ផ្ដើមមានឱនភាពបន្តិចម្ដងៗហើយ មានមនុស្សជាច្រើនបានផ្លាស់ប្ដូរការប្រើប្រាស់កុំព្យូទ័រលើតុមក ប្រើកុំព្យូទ័រ Notebook វិញ។បើតាមអ្នកស្រាវជ្រាវផ្នែកទីផ្សាររបស់ក្រុមហ៊ុន IDC បានឱ្យដឹងថាកុំព្យូទ័រលើតុក៏នៅតែបន្តកើនឡើងរហូតដល់ឆ្នាំ ២០១៥ផងដែរគឺអាចមាន១ភាគរយក្នុងមួយឆ្នាំៗក៏ប៉ុន្តែបើប្រៀបធៀប និងកុំព្យូទ័រប្រភេទ Notebook វិញគឺវាកើនឡើងយ៉ាងរហ័សគឺអាចកើនឡើងរហូតដល់១៥ភាគរយនៅក្នុង ចន្លោះឆ្នាំ២០១២-២០១៥។
៨)បណ្ដុំឧបករណ៍ Zero Client
នៅក្នុងឆ្នាំ២០០៨ មានឧបករណ៍មួយដែលមានលក្ខណៈដូចរាងកូបហើយមានទំហំប្រហែល កេសCD មួយដែលត្រូវបានគេឱ្យឈ្មោះថា Pano ឬ Zero Client ។ ឧបករណ៍ Pano នេះជាបណ្ដុំនៃ Mouse, Keyboard, Monitor, និង External USB ដែលអាចភ្ជាប់ឱ្យដំណើរការជាមួយ Microsoft Windows បានហើយអាចស្តុកទុកនៅលើ Remote Server។ឧបករណ៍នេះគ្មានប្រព័ន្ធប្រតិបត្តិការ(OS)ទេហើយក៏គ្មាន Driver កម្មវិធី, CPU, អង្គចងចាំ(Memory), Hard disk, ឬក៏ក្រាហ្វិកដែរ។ អ្នកប្រតិបត្តិផ្នែកលក់ Pano ម្នាក់របស់ចក្រភពអង់គ្លេសបាននិយាយថា”ឧបករណ៍ Pano នេះរួមទាំងឧបករណ៍បច្ចេកវិទ្យាផ្សេងទៀតគឺប្រាកដជាអាចនឹងធ្វើការ ផ្លាស់ប្ដូរ ប្រភេទកុំព្យូទ័រលើតុបានជាពុំខាន”។ ម្យ៉ាងវិញទៀតក្រុមហ៊ុនដែលលក់បន្តឧបករណ៍ Pano នេះគឺនៅបន្តលក់វាយ៉ាងសកម្មបើទោះបីជាវាមិនទាន់ជំនួសតំណែង កុំព្យូទ័រលើតុយ៉ាងណាក៏ដោយប៉ុន្តែវាក៏ជាគូរប្រជែងនៃ កុំព្យូទ័រលើតុដែរ។
៩)កម្មវិធីChromebooks: NC 2.0
លោក
Tim Beyers
បាននិយាយថា”ប្រភេទកុំព្យូទ័រដែលមានការថែទាំនិងធានាដូចជា
កុំព្យូទ័រប្រភេទ Chromebook ជាដើម
វាអាចនឹងធ្វើការវាយលុកទៅលើប្រភេទកុំព្យូទ័រលើតុនិងប្រភេទ
Windows បានក្នុងកំឡុងរយៈពេលតែ
១០ឆ្នាំប៉ុណ្ណោះ។ហើយការចែកចាយវានឹងត្រូវធ្វើឡើងតាមការធ្វើ
ពាណិជ្ជកម្មរបស់ក្រុមហ៊ុន Microsoft”។ លោក Beyers បានបន្តទៀតថា
ចំពោះការប្រើប្រាស់ Browser
របស់កុំព្យូទ័រនេះវិញគឺវាអាចដំណើរការយ៉ាងលឿនជាមួយនិង
បណ្ដាញសេវាដូចជាការប្រើប្រាស់បណ្ដាញសង្គមនិងការមើលវីដេអូតាម
អ៊ីនធឺណិត
ការកម្សាន្តនិងអាចប្រើទៅតាមតម្រូវការរបស់អ្នកប្រើផងដែរ។
យ៉ាងណាមិញវាមិនគ្រាន់តែវាយលុកទៅលើប្រភេទកុំព្យូទ័រលើតុ
ប៉ុណ្ណោះទេវាថែមទាំងវាយលុកទៅលើគ្រប់ប្រភេទកុំព្យូទ័រទាំងអស់
ក្នុងឆ្នាំ ២០២០។
ប៉ុន្តែគាត់បានបញ្ជាក់ថាគាត់ពុំបានដឹងអំពីតម្លៃនិងកាលបរិច្ឆេទ
ចេញលក់ឱ្យ ប្រាកដនោះទេ។១០)កុំព្យូទ័រប្រភេទ Ultimate Desktop
លោក Nate Ralph បាននិយាយថាប្រភេទកុំព្យូទ័រលើតុបានផ្អាកចរាចរណ៍លើទីផ្សារទៅ ហើយហើយវាបានជំនួសមកវិញនូវកុំព្យូទ័រម៉ាកថ្មីដែលមានរាងស្ដើង ហើយវាមានភាពងាយស្រួលដល់អ្នកដែលចូលចិត្តលេងហ្គេមនិងកម្សាន្ត ផ្សេងៗ។ វាជាប្រភេទកុំព្យូទ័រដែលអាចបត់បានហើយអាចយកវាទៅបានគ្រប់ ទីកន្លែង។ នេះជាការផ្លាស់ប្ដូរ ថ្មីមួយពីប្រភេទកុំព្យូទ័រលើតុមកជាកុំព្យូទ័រ ប្រភេទUltimate Desktop ដូចជាម៉ាក Intel’s IVY Bridge និង AMD’s Piledriverជាដើមដែលធ្វើឱ្យ Desktopមានរាងស្ដើងនិងអាចបត់បាន។
បើការវិវត្តបច្ចេកវិទ្យាយ៉ាងលឿនដូចព្រួញពីមួយឆ្នាំទៅមួយ ឆ្នាំហើយមានលក្ខណទំនើបគ្រប់បច្ចេកវិទ្យាបែបនេះតើរយៈពេល បច្ចុប្បន្នរហូតដល់ឆ្នាំ២០១៥កុំព្យូទ័រលើតុនិងទៅជាយ៉ាងណាឬមួយ កុំព្យូទ័រលើតុមិនអាចខ្វះបានសម្រាប់បម្រើត្រូវការប្រើប្រាស់ របស់ក្រុមហ៊ុន?ភាពពិតជាក់ស្ដែងប្រភេទកុំព្យូទ័រលើតុក៏មិនបាន បង្អង់នៅស្ងៀមឡើយទទឹមនិងបច្ចេកវិទ្យា Tablet បង្កើនល្បឿនរបស់ខ្លួននិងទាញយកចំណាប់អារម្មណ៍យ៉ាងច្រើននាពេល នេះ៕
0 comments:
Post a Comment